Kryeministri i Kosovës, Avdullah Hoti është duke qëndruar për vizitë zyrtare në Bruksel, ku është takuar me anëtarë të Parlamentit Evropian (PE).

Hoti nëpërmjet llogarisë së vet në “Twitter” ka bërë me dije se gjatë takimit me eurodeputetë ka biseduar me theks të veçantë për çështjen e liberalizimit të vizave për Kosovën.

“Sot ishte mysafir special në takimin e parë të Grupit të Miqësisë së Kosovës në Parlamentin Evropian. Ky takim me anëtarët e Parlamentit është organizuar nga Lukas Mandl të cilin e falënderoj për përkushtimin për të sjellë Kosovën më afër BE-së, me theks të veçantë në liberalizimin e vizave”, ka shkruar Hoti.

Hoti gjatë vizitës zyrtare në Bruksel do të zhvillojë disa takime në Parlamentin Evropian, ku ndër të tjera do të takojë presidentin e Parlamentit Evropian, David Sassoli, etj.

Today I was special guest at the first official meeting of the Kosovo-Friendship Group in the @Europarl_EN. This mtg with members of parliament was organized by @lukasmandl whom I thank for his commitment in bringing Kosovo closer to the #EU with emphasis on visa liberalization. pic.twitter.com/lzsSbwYfPL

— Avdullah Hoti (@Avdullah) September 10, 2020