Përhapja e koronavirusit po vijon të rritet në çdo vend të botës. Si rrjedhojë e tij, qytetarët të frikësuar po zbrazin raftet e supermarketeve për të pasur ushqime të mjaftueshme dhe produkte të tjera që iu nevojiten për ditët në vijim.

Kryeministri i Holandës, Dark Rutte, i ka qetësuar qytetarët e vendit të vet duke thënë se vendi ka rezerva të mjaftueshme të letrës higjienike që zgjasin deri në 10 vjet. Deklaratën Rutte e bëri gjatë vizitës në një supermarket, ku qytetarët e frikësuar kishin zbrazur raftet me produkte ushqimore dhe higjienike.

Gjatë një bisede me disa blerës në supermarket, Rutte tha se është i kënaqur që sheh raftet e mbushura me letër higjienike. “Vendi ynë ka mjaftueshëm letër higjienike sa mund të zgjasë për 10 vjet. Mund të dhjesim të gjithë për 10 vjet”, tha ai.