![](https://www.epokaere.com/wp-content/uploads/2021/08/Naftali-Bennett.jpg)
Kryeministri izraelit viziton Egjiptin pas një dekade
Kryeministri izraelit, Naftali Bennett, do të takohet sot me presidentin egjiptian, Abdul Fattah al-Sisi në vendpushimin e Detit të Kuq në Sharm el-Sheikh.
Ky është udhëtimi i parë zyrtar në Egjipt nga një kryeministër izraelit për një dekadë.
Presidenca egjiptiane ka thënë se të dy udhëheqësit do të diskutojnë çështjet dypalëshe dhe rajonale, dhe mënyrat për të ringjallur procesin e paqes izraelito-palestinez.
Bennett, i cili ka pasur Benjamin Netanyahu në qershor, ka marrë një ftesë për të vizituar Egjiptin muajin e kaluar, shkruan “BBC”.
Netanyahu ishte kryeministri i fundit izraelit që bëri një vizitë zyrtare në Egjipt në 2011, kur është takuar me Hosni Mubarak pak më shumë se një muaj para se ai të rrëzohej nga një kryengritje popullore.
Raportohet se ai gjithashtu ka udhëtuar fshehurazi në Egjipt në vitin 2018 për bisedime jozyrtare me Sisin, i cili ka udhëhequr përmbysjen e pasardhësit të zgjedhur të Mubarakut nga ushtria në vitin 2013 pas protestave masive.
Egjipti ishte bërë vendi i parë arab që pati nënshkruar një traktat paqeje me Izraelin në 1979, por marrëdhëniet midis fqinjëve shpesh kanë qenë të ftohta.