Albin Kurti, kryeministër i Kosovës, ka qenë i pranishëm në natën e fundit të Festivalit “Sunny Hill”, ku edhe përmes telefonit të tij e ka incizuar atmosferën në “Parkun e Gërmisë”.

Kryeministri Kurti në festivalin “Sunny Hill” është parë në shoqërinë e disa personave, duke e shijuar atmosferën e krijuar.

Të dielën Kurti ka pritur në zyrën e vet yllin botëror Dua Lipa dhe babanë e saj, Dukagjin Lipa.

Kurti i ka lavdëruar për organizimin e festivalit “Sunny Hill” dhe ka shtuar se ai festival është mbajtur “aty ku ka vendin”, pas shumë polemikave për zhvendosjen e tij.

Kurti potencoi se Kosova sivjet po shënon njërin ndër vitet më të suksesshme në aspektin artistik.