Kryeministri i Kosovës, Albin Kurti, mbrëmë ka qëndruar në Athinë të Greqisë. Ai ka marrë pjesë në darkën joformale dhe diskutimin mbi zgjerimin dhe të ardhmen evropiane të Ballkanit Perëndimor.

E sot kryeministri ka një takim me homologun grek.

Takim të ndarë ka paralajmëruar kryeministri grek në publikimin e agjendës ditore. Sipas kësaj agjende, Mitsotakis do t’i ketë tri takime, dy me presidentët e një me kyeministrin Kurti.

Fillimisht takim do të mbajë me presidenten e Moldavisë, Maia Sandu, më pas me atë të Malit të Zi, Jakov Milatoviq.

Takimi me Kurtin është paralajmëruar të ndodhë në orën 10:45.

Kjo është agjenda e publikuar nga mediet greke:

Ora 09:00 Takimi dypalësh me presidenten e Moldavisë Maia Sandu

Ora 10:00 Takimi dypalësh me presidentin e Malit të Zi, Jakov Milatoviq

10:45 Takimi dypalësh me kryeministrin e Kosovës, Albin Kurti