Kryeministri Ramush Haradinaj ka reaguar për shpërthimin e bombolës së gazit në Ratkoc të Rahovecit.

Haradinaj të lënduarve u ka uruar shërim sa më të shpejt.

“Me shqetësim kam përcjellë lajmin për shpërthimin e bombolës së gazit në Ratkoc të Rahovecit. Të lënduarve iu uroj shërim sa më të shpejt dhe stafin e Spitalit Rajonal të Gjakovës, ekipet e zjarrfikësve e të policisë, qytetarët dhe kryetarin e komunës Smajl Latifin i falënderoj për veprimet adekuate dhe me kohë në trajtimin me përgjegjësi të rastit”, ka shkruar Haradinaj në llogarinë e vet në “Facebook”.