Kryeministrja finlandeze, Sanna Mirella Marin, ka thënë të premten se kishte bërë një test droge.

Kjo vjen pas publikimit të një videoje në fillim të kësaj jave, e cila që tregonte ndejën private të Marin me miqtë e saj, ku pas publikimit, ajo është zotuar se nuk kishte përdorur kurrë droga ilegale.

“Sot kam bërë një test droge dhe rezultatet do të vijnë brenda një jave. Asnjëherë në jetën time nuk kam përdorur drogë”, ka thënë ajo në një konferencë për media.

Marin ka thënë se natën kur po festonte me miqtë e saj, ajo ishte në gjendje të kryente detyrën dhe se do të largohej nga festa nëse do t’i kërkohej të punonte.

Videot e saj, në të cilat Marin festonte me persona me ndikim dhe artistë të njohur finlandezë filluan të qarkullojnë në rrjetet sociale këtë javë, dhe ato u publikuan shpejt nga disa media në Finlandë dhe jashtë saj.

Marin ishte përballur me thirrjet për të bërë testin e drogës nga politikanët në koalicionin e saj qeveritar si dhe nga opozita, pas publikimit të videove. /REL