Kryeministrja e Finlandës, Sanna Marin, është vënë në epiqendër të kritikave, pasi në rrjetet sociale qarkullon një video, ku udhëheqësja e vendit paraqitet tepër alegro në një festë, teksa në sfond dëgjohen biseda për lëndë narkotike.

Me sa duket kryeministrja finlandeze ka qenë duke festuar me miqtë e saj, duke konsumuar pije alkoolike, kërcyer dhe kënduar.

Nga video ajo duket se po shijon momentin me shokët dhe shoqet, por kjo nuk u ka pëlqyer aspak finlandezëve, të cilët e kanë “bombarduar” kryeministren me komente negative në rrjetet sociale.

Sipas tyre, një qëndrim i tillë nuk i ka hije kryeministres së vendit.

Kryeministrja është kritikuar edhe më herët për faktin se kalon më shumë kohë se ç’duhet në ahengje dhe klube nate.

Megjithatë, mediet vendase raportojnë se nuk është konfirmuar ende koha dhe vendi ku është regjistruar videoja e kryeministres, e cila tashmë është bërë virale në Finlandë.

“Duket sikur video është realizuar në një apartament privat. Gzetab Iltalehti nuk mundi të kontaktonte kryeministren ose stafin e saj të mërkurën në mbrëmje për të komentuar videon”, shkruan një medie vendase në lidhje me videon.