Kryeprokurori i Prokurorisë Themelore të Mitrovicës, Shyqyri Syla, në vazhdën e takimeve të ndryshme javore, e ka caktuar ditën e premte nga ora 13:00 deri në orën 15:00, për takime me qytetarë në zyrën e tij, për të gjitha palët e interesuara.

Në ditët e kaluara interesimi për takim me Kryeprokurorin Syla ka qenë mjaft i madh, dhe qytetarët janë shprehur mirënjohës me mundësinë për të takuar kreun e Prokurorisë Themelore të Mitrovicës.

Qytetarët e interesuar të cilët kanë vizituar Prokurorinë Themelore të Mitrovicës kanë shprehur interesimin për çështje dhe kërkesa të ndryshme, ndërkaq Syla shprehi gatishmërinë dhe përkrahjen e institucionit që ai drejton rreth kërkesave të qytetarëve, duke u dhënë edhe sqarimet e duhura.

/Epoka e re/