Përfaqësuesi i Ekipit Këshillues dhe Ndërlidhës të NATO-s (NALT) në Ministrinë e Mbrojtjes të Republikës së Kosovës, major Glenford Rose, ka vizituar sot Agjencinë Shtetërore të Arkivave  të Kosovës. Majori Rose u interesua për mundësitë dhe për format e ndihmës që mund të japë Agjencia Shtetërore e Arkivave e Kosovës për konsolidimin dhe kompletimin e mëtejshëm të Arkivit të Ministrisë së Mbrojtjes.

Kryeshefi i Agjencisë Shtetërore i Arkivave të Kosovës, Bedri Zyberaj, i ka premtuar majori Rose se nuk do të mungojë ndihma e Agjencisë dhe me të gjitha mundësitë që ka ky institucion, do të ofrojë ndihmë profesionale për të gjitha çështjet që u shtruan në takimin e tyre, por edhe për të tjera problematika që do të dalin gjatë rrugëtimit të përbashkët deri në finalizimin dhe kompletimin e plotë të Arkivit të Ministrisë së Mbrojtjes.

Majori Rose në fund të takimit vizitoi bibliotekën dhe disa mjedise të Arkivit.