Kryesia e Kuvendit të Kosovës ka vendosur që më 13 dhjetor të mbahet seanca e radhës së Kuvendit.

Pas mbledhjes së kryesisë, në një konferencë për medie është  mirëpritur caktimi i seancës plenare.

Shefi i grupit parlamentar të PDK-së, Abelard Tahiri, ka adresuar kritika ndaj kryeministrit Albin Kurti edhe për paraqitjen e tij të djeshme në Bruksel me fusnotë.

“Kurti ka vepruar dhe po vepron ndryshe prej asaj që ka fituar mandatin prej qytetarëve”, ka thënë ai.

Ndërsa shefi i grupit parlamentar të AAK-së, Besnik Tahiri, ka thënë se në seancën e radhës do të hapet debati edhe për Projektligjin e Pagave.