Kryesuesi i ZRrE-së sfidohet në komisionin parlamentar: A u konsultuat me qeverinë për shtrenjtimin e rrymës?
Në Komisionin për Ekonomi, Industri, Ndërmarrësi dhe Tregti, kryesuesi i këtij komisioni, Ferat Shala, e ka pyetur kryesuesin e bordit të Zyrës së Rregullatorit për Energji (ZRrE), Ymer Fejzullahun se pse në raportin konsultativ ku është propozuar shtrenjtimi i rrymës, janë mbështetur në subvencionimin e qeverisë prej 75 milionë eurosh.
Shala e ka pyetur Fejzullahun se “ku është baza ligjore që ju me i paraparë mjetet që qeveria ka me i dhënë?”.
“A është ZRrE-ja mbi qeverinë? A është ZRrE-ja mbi Parlamentin?”, ka vazhduar me pyetje Shala.
Fejzullahu, në përgjigje, ka thënë se nuk është hera e parë që qeveria ndan mjete në këto raste.
“Nuk është hera e parë që Qeveria ndan mjete për konsumatorët. Edhe në të kaluarën, 2010, 2011 janë ndarë rreth 50 milionë euro, edhe atë kohë kanë qenë të destinuara për subvencionimin e importit”, ka thënë ai.
Shala ka akuzuar se raporti i ZRrE-së nuk është i pavarur.
“Sipas leximit tënd, ndoshta nuk është i pavarur”, është përgjigjur Fejzullahu.
Raporti i ZRrE-së, Shala ka thënë se duhet sikur raport i përbashkët me qeverinë.