Kryetari i Nismës Socialdemokrate në Gjakovë, Fazli Hoxha, ka reaguar pas dorëheqjes së Ramush Haradinajt nga posti i kryeministrit dhe ftesës së Gjykatës Speciale për t’u intervistuar si i dyshuar.

Ai përmes një postimi në llogarinë e vet në “Facebook”, ka shkruar se luftën e UÇK-së nuk ka gjyq që mund ta gjykojë, sepse ka qenë luftë e pastër dhe e drejtë.

Postimi i plotë i Hoxhës:

Luftën e UÇK-së nuk ka gjyq që mund ta gjykoj, sepse ka qenë luftë e pastër dhe e drejtë, në mbrojtje të popullit të shtypur nga regjimi i Millosheviqit.

Ftesa për intervistë nga Gjykata Speciale në cilësinë e të dyshuarit për kryeministrin e Republikës së Kosovës Ramush Haradinaj, është ftesë e padrejtë nga një gjykatë e padrejtë.

Dorëheqja e sotme e Haradinajt për herën e dytë nga posti i kryeministrit, tregon respektin më të lartë për luftën çlirimtare.

Lufta e UÇK-së siç ka dalë triumfuese më herët, do të triumfojë edhe në këtë betejë me Gjykatën Speciale.

Spektri politik në vend duhet të jetë unikë përballë padrejtësive që po i bëhen luftës çlirimtare.