Katër persona kanë mbetur të vdekur gjatë ditës së sotme në një aksident trafiku në fshatin Koshare të Ferizajt, ndërsa një 32-vjeçare është duke u trajtuar në QKUK.

Në mesin e viktimave janë disa anëtarë të një familjeje nga komuna e Shtimes. Për këtë ka reaguar kryetari i kësaj Komune, Naim Ismajli, i cili i ka shprehur ngushëllime familjes Ramadani nga Shtimja, derisa të lënduarve u ka uruar shërim të shpejtë.

“Sapo mora lajmin e hidhur për humbjen e disa anëtarëve të familjes Ramadani nga komuna e Shtimes, të cilët pas një aksidenti në trafik në rrugën Ferizaj -Shtime kanë ndërruar jetë. Gjithashtu të lënduarëve të tjerë shërim sa më të shpejtë. Bashkëndjejmë dhimbjen për këtë humbje të madhe. Ngushëlime famlijes dhe miqëve”, thuhet në njoftimin e Ismajlit.