Kryetari i komunës së Skenderajt, Bekim Jashari,  ka përkujtuar dëshmorët  Xhafer Avdullahi dhe Zenë Veseli, në 20-vjetorin e rënies së tyre heroike.

Ai ka thënë se dëshmorët kanë rënë në altarin e lirisë, por do të jetojnë përjetësisht në kujtesën e shoqërisë tonë.

“Me respekt dhe mirënjohje të thellë, në 20-vjetorin e rënies së tyre, kujtojmë sot dëshmorët e Açarevës heroike, Xhafer Avdullahi dhe Zenë Veseli, të cilët duke përmbushur obligimin moral e kombëtar, për lirinë e vendit, ranë në fushën e nderit, për të jetuar përjetësisht në kujtesën tonë kolektive veprat e tyre të larta e të pastra. Lavdi dëshmorëve të kombit”, ka shkruar Jashari në llogarinë e vet në “Facebook”.

/Epoka e re/