Kryetari i Komunës së Zveçanit, Ilir Peci, ka reaguar pas shpërthimit të granatës në mesnatë në një nga zyrat e Postës së Kosovës në këtë komunë.

Peci ka dënuar ashpër sulmin, duke treguar se ka pasur vetëm dëme materiale.

Kryetari Peci e ka cilësuar sulmin me granatë si “një provokim të rrezikshëm dhe vepër të organizuar terroriste kundër qetësisë dhe stabilitetit në komunë”.

“Ky sulm është një tentativë e qartë për të destabilizuar rajonin dhe për të shkaktuar frikë te qytetarët. Autorët duhet të gjenden dhe të paraqiten përpara drejtësisë”, ka shkruar Peci në “Facebook”.

Postimi i plotë: