Një shpërthim i madh ka ndodhur këtë mbrëmje në një lokal në fshatin Ratkoc të Rahovecit. 

Policia ka treguar se nga ky shpërthim kanë mbetur të lënduar 10 persona.

Kryetari i Rahovecit, Smajl Latifi, ka bërë me dije përmes një postimi në llogarinë e vet në “Facebook” se të gjithë të lënduarit janë jashtë rrezikut për jetë.

“I shqetësuar u informova rreth shpërthimit të bombolës së gazit në Ratkoc! Isha në vendin e ngjarjes ku pashë nga afër pasojat – fatmirësisht të gjithë të lënduarit janë jashtë rrezikut për jetë!”, ka shkruar kryetari Latifi.