Andrea Nahles, lidere e Partisë Social-Demokrate të Gjermanisë (SPD), ka bërë me dije se do të jap dorëheqje nga udhëheqja e partisë dhe si shefe e grupit parlamentar.

Ky vendim vjen pasi partia e qendrës së majtë ka dalë e treta në zgjedhjet e Parlamentit Evropian, derisa partia Unioni Demo-Kristian e udhëhequr nga Angela Merkel ka dalë e dyta, duke kryesuar me partinë Të Gjelbrit në vendin e parë.

Nahles ishte kritikuar për qëndrimin në koalicion me partinë e Merkelit. Në një njoftim të lëshuar nga SPD-ja, ajo ka theksuar se “diskutimet brenda Parlamentit dhe vlerësimi nga partia më kanë treguar se nuk e kam më përkrahjen e mjaftueshme për të vazhduar me detyrat”.

Dorëheqja e saj ishte befasi për shkak se ajo u bë udhëheqëse e partisë në prill të vitit të kaluar dhe pritej të garonte për këtë pozitë sërish.

Javën e kaluar, në zgjedhjet e Bashkimit Evropian, partia e saj arriti rezultatin më të dobët, më pak se 16 për qind. Po ashtu, një sondazh shfaqi përkrahjen për SPD-në vetëm 12 për qind. Të Gjelbrit kanë shënuar rezultatin më të madh duke mposhtur edhe partinë më të popullarizuar në Gjermani, CDU. /Rel/