Kryeziu liston shkeljet e marrëveshjes bazike nga Serbia: BE-ja nuk mori asnjë masë ndaj Serbisë
Zëdhënësi i Qeverisë së Kosovës, Përparim Kryeziu, ka renditur rastet që Serbia ka shkelur marrëveshjen bazike, e cila është arritur në Bruksel vitin e kaluar.
Pavarësisht shkeljeve të shumta, ka thënë ai, BE-ja nuk ka vendosur asnjë masë ndëshkuese për Serbinë.
Në platformën “X”, Kryeziu ka shkruar se për këtë shkelje Kosova i ka ofruar edhe dëshmi ndërmjetësuesit.
“Përkundër dëshmive të shumta të ofruara nga institucionet tona që vërtetojnë se Serbia ka shkelur integritetin tonë territorial, asnjë masë nga BE-ja nuk është marrë ndaj Serbisë”, ka shkruar Kryeziu.
Në listën e shkeljeve të marrëveshjes, ai ka përmendur sulmin në Banjskë, vrasjen e policit Afrim Bunjaku, krimet e Milan Radoiçiqit, ndalimin e qytetarëve të Kosovës në kufij dhe rastet tjera.
“Në mesin e tyre ishin 10 policë të Kosovës, 4 pjesëtarë të komunitetit tonë serb, përfshirë zëvendësdrejtorin e Policisë së Kosovës. Në të njëjtën kohë, Sadik Duraku, një shqiptar i cili është gjithashtu shtetas britanik, më pas është ndaluar dhe akuzohet pa të drejtë. Megjithatë, ndaj Serbisë nuk është marrë asnjë masë”, ka shkruar Kryeziu.
.