Një ekip i përbërë nga staf mjekësor, inxhinierë uji dhe specialistë për rreziqet që lidhen me mjetet shpërthyese është vendosur në Kherson nga Kryqi i Kuq.

Komiteti Ndërkombëtar i Kryqit të Kuq (KNKK) dërgoi gjithashtu furnizime mjekësore në dy spitale në qytetin jugor të Ukrainës, duke deklaruar se ato ishin të mjaftueshme për të trajtuar 500 pacientë të lënduar dhe 2,000 njerëz që kërkonin kujdes të menjëhershëm shëndetësor, shkruan Aljazeera.

Pajisje higjienike, një kamion me ujë dhe pako ushqimore u përfshinë në ndihmën e ofruar nga organizata e ndihmës humanitare.