Ylli televiziv, Kim Kardashian, e cila së fundmi i dha fund martesës disa vjeçare me reperin Kanye West, po bën bujë si për jetën private por dhe atë sociale.

41-vjeçarja ka ndarë disa fotografi të reja në rrjetet sociale teksa pozon pranë një pishine, por syve të ndjekësve nuk u shpëtoi një detaj interesant.

“Ku e ke kërthizën”, “Një foto super e redaktuar”, i shkruajnë ndjekësit të saj. Megjithatë, pavarësisht komenteve, ajo nuk i ka hequr fotot nga profili i saj. Kujtojmë që Kim u kritikua dhe pak ditë më parë për “photoshop” në fytyrën e të dashurit të ri, Pete Davidson.

Kujtojmë se ajo u lidh me komedianin pak muaj më parë ndërsa ishte në prag të divorcit me Kanye West. Edhe pse reperi kërkonte vazhdimisht që të riktheheshin, ylli i famshëm ishte e vendosur që të ndahej.