Nënkryetari i PDK-së, Hajredin Kuçi është shprehur i bindur se partitë politike do të gjejnë zgjidhje për temat e mëdha.

Ish-ministri i Drejtësisë, në një intervistë për “KosovaPress” ka thënë se zgjidhja për temat e mëdha duhet të ndodhë në kuptimin e domosdoshëm kushtetues.

Kuçi ka kërkuar që të mos pritet mrekulli nga tryezat, pasi ato sipas tij, vetëm sa e kanë thyer akullin e takimeve mes spektrit politik.

Ai ka vlerësuar se temat e mëdha nuk duhet të jenë barrë e vetëm një partie politike, e asnjë individi, por e të gjitha subjekteve politike.