Ambasadori i Shteteve të Bashkuara të Amerikës, Jeffrey Hovenier ka vizituar xhudistët e Kosovës në Qendrën Nacionale të Xhudos në Pejë. Trajneri Driton Kuka ka bërë të ditur se Hovenier i ka uruar për medaljet olimpike të fituara deri më tash, pesë sosh, kurse ka zbuluar edhe premtimin që ka marrë nga ai.

“Premtoi që do jetë me ne në Los Angeles 2028 në Olimpiadën e ardhshme”, ka shkruar Kuka në “Facebook”. “Si gjithmonë afër nesh miku ynë ambasadori i USA Hovenier. Erdhi të uroj medaljet e reja Olimpike për shtetin tonë. Premtoj që do jetë me ne në Los Angeles 2028 në Olimpiadën e ardhshme për të na përkrahur  Ne i shprehëm mirënjohje për vizitat që i bën ekipit tonë për të na inkurajuar drejt sukseseve të reja”, ka shtuar Kuka.