Trajneri i Xhudos, Driton Kuka, ka shkruar për Grand Slamin që u mbajt në Paris, ku Distria Krasniqi fitoi medaljen e argjendtë.

Për këtë Grand Slam, Kuka tha se është gara më e bukur e sportit të xhudos që organizohet gjatë vitit.

“Më në fund palestra e mbushur plot me spektatorë, afër 12.000”, ka shkruar Kuka.

“Distria e argjendtë me shkëlqim të artë. Një përshëndetje nga tri të Artat tona” u shpreh tutje trajneri në një fotografi të bashkëngjitur me Majlinda Kelmendin, Nora Gjakovën dhe të argjendtën e sotme.

“Parisi tash më se 10 vjet flet shqip fal kampionëve tonë. Kosova mbi të gjitha”, përfundoi trajneri.