Dardan Krasniqi, aktivist i Lëvizjes Vetëvendosje, ka qenë i ftuar në një emision të debatit në “Kanal 10”.

Në debat, Krasniqi, i cili është edhe kunat i ministres së Drejtësisë, Albulena Haxhiut, ka bërë një deklaratë të fortë.

Gjatë ecurisë së debatit, ku i ftuar ishte edhe Azdren Shala, aktivist i Partisë Social Demokrate,  Krasniqi ka bërë me dije se do t’i thotë “argat i Serbisë” kujtdo që e nënshkruan “Zajednicën”, siç ai është referuar Asociacionit të komunave me shumicë serbe.

“Në momentin qysh kam thënë ‘Isë, Isë, argat i Serbisë’, e kam thënë në ‘Kanal 10’, ka me dal me thanë në këtë debat, ai që e bën ‘Zajednicën’. S’ki nevojë me bo pakt. Ka me thanë qysh kam thënë për Isën”, ka thënë ai.