Ideja për shkëmbim të territorit ose ndryshim të kufijve është moralisht problematike, nëse jo edhe propozim ofendues, mirëpo nëse kjo ide merr mbështetjen e të gjithëve në Kosovë dhe Serbi, rajonit mund t’i sjellë finalizimin e kufijve pas rënies së Jugosllavisë, ka thënë eksperti i Këshillit për Marrëdhënie me Jashtë të ShBA-së, Charles Kupchan.

Së fundi Kupchan ka thënë për “New York Times” se Bashkimi Evropian dhe Shtetet e Bashkuara duhet të mbështesin këtë ide.

Ndërkaq në këtë intervistë për “Radio Evropa e Lirë”, ai ka shpjeguar argumentet e kësaj mbështetjeje, për siç ka thënë “në thelb është një formë paqësore e spastrimit etnik”, dhe pse sipas tij presidentët Hashim Thaçi dhe Aleksandër Vuçiq duhet të fitojnë konsensusin për këtë ide në vendet e tyre pasi, sipas Kupchan, kundërshtimi i Berlinit nuk është shumë domethënës.

Kupchan është i bindur se një Serbi e kënaqur, në të ardhmen do të ishte një pengesë e aspiratave të Millorad Dodikut për pavarësi të Republikës Serbe.

Linku i intervistës së plotë: https://www.evropaelire.org/a/kupchan-pengesa-per-ndryshim-te-kufirit-eshte-ne-prishtine/29506887.html.