Kina, dy ditë pas daljes nga izolimi, ka raportuar për përhapje të lehtë të virusit korona.

Sipas autoriteteve në Kinë, janë shënuar 42 raste të reja me koronavirus, 38 prej tyre janë të importuara dhe vetëm 4 janë nga brenda Kinës. Gjithashtu, është shënuar edhe një vdekje në Wuhan të provincës Hubei aty ku është edhe epiqendra e virusit. Në Kinë numri total i rasteve me koronavirus ka shkuar në 81 907 raste, ndërsa numri i viktimave ka shkuar në 3 336 të vdekur.