Nora Kursani – Demjaha është emëruar ushtruese e detyrës së kryeinspektores së Inspektoratit Shëndetësor.

Lajmin e ka bërë me dije për “Kosovapress” e ka konfirmuar vetë ajo.

Nora Kursani-Demjaha është emëruar në këtë pozitë pas lirimit nga detyra të Shaban Osmanajt.

Ministria e Shëndetësisë (MSh), dje ka informuar se pas rastit të ndodhur në Spitalin e Përgjithshëm të Pejës, është liruar nga detyra e ushtruesit të detyrës së kryeinspektorit të Inspektoratit Shëndetësor, Shaban Osmanaj.

MSh-ja ka potencuar se në rastin në fjalë ka dështuar zbatimi i detyrave dhe misionit të Inspektoratit Shëndetësor.