Kryetari i Lëvizjes Vetëvendosje, Albin Kurti, ka thënë se shumë shpejt, së bashku me Lidhjen Demokratike të Kosovës, do ta caktojnë datën e protestave kundër presidentit të vendit, Hashim Thaçi.

Këto komente ai i bëri pas tribunës së organizuar nga Vetëvendosje me rastin e 20-vjetorit të hapjes së zyrës së Ushtrisë Çlirimtare të Kosovës në Prishtinë.

Kurti ka deklaruar se qytetarët e Kosovës i duan këto protesta, pasi shumica e tyre janë kundër idesë së Thaçit për korrigjim kufijsh dhe për procesin e dialogut me Serbinë në Bruksel.

Ai ka thënë se protestat do të jenë paqësore.