Kryeministri i Kosovës, Albin Kurti së bashku me presidenten e vendit, Vjosa Osmani dhe kryetarin e Kuvendit, Glauk Konjufca kanë bërë homazhe te varrezat e dëshmorëve në Velani, në nderim të Ditës së Dëshmorëve të Prishtinës.

Ai ka theksuar se dëshmorët e kombit e bashkojnë popullin.

“Andaj ne kthemi e rikthehemi në këto vende  që t’i kujtojmë ata dhe të ia kujtojmë vetës çmimin e madh që e ka paguar populli ynë me gjakun e tyre  ku vijnë çlirimi, liria dhe pavarësia që e kemi sot, por në të njëjtën kohë për të kujtuar amanetin dhe idealet e tyre që të vazhdojmë për progres, barazi dhe mirëqenie”, ka deklaruar kryeministri Kurti.