Kryetari i Lëvizjes Vetëvendosje, Albin Kurti është takuar me ambasadorin e Britanisë së Madhe në Kosovë, Jonathan Hargreaves.

Vetëvendosje ka njoftuar se në këtë takim është diskutuar për mbarëvajtjen e fushatës zgjedhore.

“Delegacioni u mirëprit nga kryetari i Lëvizjes Vetëvendosje! njëherazi kryeministri Albin Kurti, nënkryetarja e dytë, Mrika Limani Myrtaj, sekretari organizativ, Alim Rama, sekretari për marrëdhënie ndërkombëtare, Hajrulla Çeku, dhe anëtari i Kryesisë dhe shefi i shtabit zgjedhor, Besnik Bislimi. Në këtë takim u diskutua për mbarëvajtjen e procesit zgjedhor, për fushatën e Lëvizjes Vetëvendosje! dhe për programin tonë politik të cilin po e prezantojmë gjatë kësaj fushate. Diskutimet përfshinë gjithashtu mënyrat për të përmirësuar komunikimin me zgjedhësit dhe për të siguruar një fushatë efektive dhe transparente”, ka njoftuar Vetëvendosje.