Kurti dhe Osmani nënshkruajnë marrëveshje, garojnë në një listë të përbashkët zgjedhore
14 janar 2021
| 13:51
Kryetari i Lëvizjes Vetëvendosje, Albin Kurti dhe kryetarja e iniciativës “Guxo”, Vjosa Osmani, kanë nënshkruar marrëveshjen në bazë të së cilës do të garojnë bashkë në zgjedhjet e 14 shkurtit.
Pas nënshkrimit të kësaj marrëveshje, Vjosa Osmani, ka thënë se do ta ndjekin rrugën e Ibrahim Rugovës dhe Adem Jasharit.
“Do të punojmë bashkë dhe do ta ndjekim rrugën e Gjergj Kastriotit- Skënderbeut, Ibrahim Rugovës e Adem Jasharit. Kjo që arritëm sot reflekton vullnetin e qytetarëve”, ka thënë Osmani.