Kryeministri i Kosovës, Albin Kurti, ka njoftuar se do të ndahen medalje presidenciale për Mon Balaj dhe Arben Xheladinin.

Pas homazheve te varri i Balajt në Podujevë, Kurti u ka treguar familjarëve të aktivistëve të vrarë se në orën 16:00 do të shkojnë tek presidentja Vjosa Osmani, ku edhe do të ndahen medaljet presidenciale e meritave.

“Në ora 16:00 bashkë me kryetarin Glaukin, do të shkojmë të presidentja sepse edhe për Mon Balajn dhe Arben Xheladinin do të ndahet medalje presidenciale e meritave”, ka thënë Kurti.

Mon Balaj dhe Arben Xheladini janë vrarë gjatë protestës së përgjakshme më 10 shkurt të vitit 2007. Ata ishin qëlluar për vdekje nga policia rumune e UNMIK-ut.