Kryeministri Albin Kurti i shoqëruar edhe nga kryetari i Komunës së Gjilanit, Alban Hyseni dhe deputeti i Kuvendit të Kosovës, Hydajet Hyseni, kanë vizituar familjen e heroit Kadri Zeka, në kuadër të 17 janarit, ditës së rënies së tij, bashkë me vëllezërit Gërvalla.

Në familjen Zeka, kryeministri Kurti u prit nga baca Shaip, vëllai i heroit dhe familjarët tjerë.

Kryeministri Kurti mori pjesë edhe në akademinë kushtuar Jusuf e Bardhosh Gërvallës dhe Kadri Zekës, me rastin e 40-vjetorit të vrasjes së tyre, e cila u mbajt në kuadër të manifestimit ‘Flaka e Janarit 2022’, një aktivitet ky që në Gjilan mbahet prej mbi 30 vitesh, në nderim të heronjve dhe dëshmorëve të kombit, të rënë përgjatë janarëve të historisë.