Kryeministri Albin Kurti, ka thënë se sot bëhen katër vjet që kur Komisioni Evropian konfirmoi për herë të dytë se Kosova i përmbush të gjitha kriteret për liberalizimin e vizave.

Kurti përmes një shkrimi në rrjetin social “Twitter” ka shkruar se edhe pse Kosova është vendi më demokratik dhe më pro-Evropian në Ballkanin Perëndimor, ende është më i izoluari.

“Sot bëhen katër vite, që kur Komisioni Evropian, e konfirmoi për herë të dytë se Kosova ka plotësuar të gjitha kriteret për liberalizimin e vizave. Kosova është vendi më demokratik dhe më pro- Evropian, në Ballkanin Perëndimor, por që ende është i izoluar. Shpresat e qytetarëve tanë duhet të përmbushen me vendosmërinë dhe solidaritetin e BE-së”, ka shkruar Kurti në “Twitter”.

Today marks 4 years since @EU_Commission confirmed for 2nd time that Kosova fulfilled all the criteria for visa liberalization. We’re the most democratic & pro-EU country in Western Balkans, yet the most isolated.
Our citizens hopes should be met w/EU decisivness & solidarity. pic.twitter.com/tj1A6Og7Tq

— Albin Kurti (@albinkurti) July 18, 2022