Kryeministri i Kosovës, Albin Kurti u është përgjigjur kryetarit të PDK-së, Memli Krasniqi dhe atij të LDK-së, Lumir Abdixhiku, të cilët e kanë pyetur Kurtin se pse nuk po i arreston kriminelët meqënese ua di emrat.

Kurti ka thënë se tashmë ka filluar t’i arrestojë kriminelët në veri.

“Ne kemi filluar t’i arrestojmë dhe unë në fjalimin tim i përmenda edhe emrat e atyre që janë të arrestuar”, ka thënë Kurti.

Më tutje, Kurti ua ka parashtruar një pyetje Krasniqit dhe Abdixhikut.

“Unë ju falënderoj për këtë thirrje që ma bëtë që të arrestohen këta kriminelë. Por unë e kam një pyetje për juve, arrestimi i këtyre kriminelëve a me koordinim apo pa koordinim?”, ka pyetur Kurti.