Kryeministri i Kosovës, Albin Kurti, ka kujtuar Betejën e Çabratit, ku kanë rënë 22 dëshmorë të UÇK-së.

Në profilin e tij në “Facebook”, ai ka shkruar se në komunën e Gjakovës në luftën e fundit janë vrarë gjithsej 1022 civilë të paarmatosur, ndërsa janë 361 dëshmorë të UÇK-së nga luftimet e drejtpërdrejta edhe brenda në qytet.

“Përgjatë tre ditëve sa zgjatën luftimet në Betejën e Çabratit ranë 22 dëshmorë të UÇK-së, kurse nga data 7 deri më 11 maj 1999 u vranë 107 civilë nga forcat serbe.  Në komunën e Gjakovës në luftën e fundit janë vrarë gjithsej 1022 civilë të paarmatosur gjersa janë 361 dëshmorë të UÇK-së nga luftimet e drejtpërdrejta edhe brenda në qytet. 22 vjet më pas i kujtojmë me ndjenjën e dhimbjes, pikëllimit e krenarisë por edhe të obligimit për vendin e popullin tonë që ata e deshën aq shumë”, ka shkruar Kurti.