Kryeministri i Kosovës, Albin Kurti, ka uruar kampionen olimpike të xhudos, Nora Gjakova , e cila sot ka fituar medaljen e art në kategorinë e femrave, 57 kilogramë.

Në llogarinë e tij në “Twitter”, Kurti ka shkruar se në këtë ditë hidhërimi, zemrat e qytetarëve të Kosovës janë lehtësuar nga suksesi i kampiones Nora Gjakova.

“Në këtë ditë hidhërimi teksa vajtojmë për humbjen e jetëve nga aksidenti tragjik në Kroaci, zemrat tona janë lehtësuar nga suksesi i kampiones sonë, Nora Gjakova, në #Tokyo2020 e cila fitoi të artën në kategorinë e femrave – 57 kilogramë”, shkroi Kurti.