Kryeministri i Kosovës, Albin Kurti, sot (e hënë) do t’i presë në takim ndihmëssekretaren e Shteteve të Bashkuara të Amerikës për Çështje Evropiane dhe Euroaziatike, Karen Donfried dhe zëvendësndihmëssekretarin për Çështje Evropiane dhe Euroaziatike, Gabriel Escobar.

Në njoftimin e lëshuar nga zyra e kryeministrit është bërë me dije se takimi do të mbahet nga ora 18:00.

Donfriedi dhe Escobari do të vizitojnë Kosovën në kuadër të një turi të vizitave në Ballkanin Perëndimor.