Kryeministri i vendit, Albin Kurti, ka marrë pjesë në edicionit e 23-të të Panairit të Librit, ku ka thënë se dëshiron që ky panair të ketë ndikim mendor e shpirtëror, veçmas mbi të rinjtë.

I pranishëm në hapen e këtij edicioni të Panairit të Librit ishte edhe shkrimtari i madh shqiptar, Ismail Kadare, për të cilin Kurti ka thënë se e vlerëson kontributin e Kadaresë në formësimin e kombit shqiptar me anë të romaneve dhe poezisë së tij.

“Jemi shumë të nderuar dhe pafund të gëzuar që e kemi në mesin tonë, shkrimtarin tonë të madh Ismail Kadare dhe më duhet të them që të gjithë ne jemi rritur me të, që do të thotë se vetëdija jonë për veten si komb shqiptar është në masë të konsiderueshme e formësuar nga romanet dhe nga poezia e Ismail Kadaresë. Ne atij jemi borxh sa s’thuhet”,ka thënë Kurti.

I pari i qeverisë ka folur i edhe me shkrimtarin Kadare, ku ky i fundit i dhuroi atij të nënshkruar librin e tij “Aksidenti”.