Kryeministri i Kosovës, Albin Kurti është duke e përkrahur ekipin shqiptar Bad News Eagles, në turneun më të madh të CS:GO, në PGL Major.

Kurti përmes një postimi në llogarinë e vet në “Instagram” e ka uruar ekipin nga Kosova që të triumfojë.

“Dhe ja ku jemi sot në garën më të madhe të CS:GO, në PGL Major, duke bërë tifo për ekipin tonë të zemrës, Bad News Eagles. Kualifikimin e dëshiruar e arritëm, tani përpara për fitore. Go Eagles”, ka shkruar Kurti.

Ndryshe, përballjen e parë ekipi shqiptar është duke e zhvilluar ndaj ekipit turk, Eternal Fire.