Albin Kurti, i mandatuar për kryeministër, ka folur para medieve para nisjes për në Kuvend të Kosovës.

Ai ka bërë me dije se kanë bërë të gjitha përgatitjet për seancën e sotme, ku do të votohet qeveria e re.

Lideri i Lëvizjes Vetëvendosje ka thënë se pas 23 vjetësh e ka rastin që t’i shërbejë popullit.

“Është një ditë që është kapitull i ri edhe në Republikën e Kosovës edhe në jetesën e popullit e në aktivitetin tim politik, që 23 vjet jam në opozitë prej që merrem me politikë, më në fund do ta kem shansin e sidomos përgjegjësinë që t’i shërbej popullit si asnjë herë më parë”, ka thënë Kurti.

/Epoka e re/