Kryeministri i vendit, Albin Kurti, ka folur sërish për Ligjin për Paga duke thënë se gjatë qeverisjes së tij për herë të parë në vend u bë unifikimi i pagës në sistemin publik.

Kurti, në konferencën vjetore “Par Progresi Kosovës 2023” të organizuar nga Grupi për Studime Juridike dhe Politike, tha se me këtë ligj u mënjanua pabarazia drastike në pagë që ishte në të kaluarën.

“Me hyrjen në fuqi të Ligjit për Paga në sektorin publik, në Republikën e Kosovës për herë të parë kemi një sistem të unifikuar të pagës në sistemin publik ku po mënjanohet pabarazia drastike në pagë çfarë ishte në të kaluarën”, ka deklaruar Kurti.