Ka nisur mbledhja e Këshillit të Stabilizim-Asociimit në të cilën është duke marrë pjesë kryeministri i Kosovës, Albin Kurti.

Në këtë takim me drejtuesit më të lartë evropianë, Kurti po e përfaqëson shtetin me fusnotë dhe jo me emrin kushtetues Republika e Kosovës.

Vet Kurti vazhdimisht ka shprehur kritika për vendosjen e fusnotës krahas emrit të Kosovës nëpër ngjarje të ndryshme.

“Tradhti shtetërore” e kishte quajtur Kurti vite më parë vendosjen e fusnotës.

“Kjo Qeveri pranoi fusnotën që na e konteston shtetësinë dhe e hoqi fjalën Republikë nga emërtimi i shtetit”, kishte thënë Kurti në fjalimin e tij në Kuvendin e Kosovës më 18 prill 2012 në seancën e jashtëzakonshme për gjendjen në veri.