Kryeministri i Kosovës, Albin Kurti tash e disa orë është në takim me presidentin serb, Aleksandër Vuçiq, takim i cili po ndërmjetësohet nga Josep Borrell.

Ndonëse ndodhet në Bruksel, Kurtit po i jepet përkrahje nga bashkëpunëtorët e tij në Kosovë.

Zëdhënësi i LV-së, Arlind Manxhuka, deputetët e kësaj partie, Arbër Rexhaj dhe Tinka Kurti kanë postuar në “Facebook” “hashtag”-un “#mekryeministrin dhe #RKS”.

Takimi në mes të Kurtit e Vuçiqit ka filluar para katër orësh, mirëpo ende nuk ka pasur deklarata rreth asaj që është biseduar dhe nëse është arritur marrëveshje për targat.