Kryeministri i Republikës së Kosovës, Albin Kurti, ka pranuar letër urim nga kryetari i Bashkisë së Vlorës, Dritan Leli, i cili e ka uruar me rastin e rizgjedhjes kryeministër i Qeverisë së Kosovës.

Në letrën e urimit, kryetari Leli ka shprehur kënaqësinë për marrëdhëniet e shkëlqyera që ka Vlora me Kosovën.

Ndër të tjera, ai ka thënë se do të mbesin të hapur për të çuar përpara bashkëpunimin që do të ndihmojë promovimin e ndërsjellë turistik e kulturor, me fokus rritjen ekonomike që është jo vetëm në interes të qytetarëve, por edhe zhvillimit gjithëpërfshirës të të dy vendeve.