Kryeministri i Republikës së Kosovës, Albin Kurti, ka pritur në takim shefin e EULEX-it, Lars Gunnar Wigemark.

Kurti ka thënë se Qeveria e Kosovës është e vendosur të ndërtojë shtetin e së drejtës në vendin tonë.

Ai ka theksuar se sundimi i ligjit nuk ka alternativë.

Në takim u diskutua për mënyrat e mundshme të përkrahjes për Qeverinë në lëmitë ku përvoja dhe aftësitë e EULEX-it përbëjnë një ndihmë të konsiderueshme.

Kryeministri Kurti ndër të tjera, theksoi rëndësinë e madhe të adresimit të gati 300 mbetjeve mortore në Morgun e Prishtinës.

Kurti ka theksuar se për këtë u premtua bashkëpunim nga ana e EULEX-it.