Kryeministri i Kosovës, Albin Kurti, ka reaguar pas protestës në veri, kundër shkarkimit të kryetares së Gjykatës Themelore në Mitrovicë, Liljana Stevanoviq, e cila kishte marrë pjesë në mbledhjen Sigurisë të thirrur nga presidenti i Serbisë, Aleksandër Vuçiq.

Me këtë rast, Kurti ka thënë se nuk vendos për pezullimin e gjyqtarëve e as prokurorëve siç mund të bëjë Vuçiqi.

“Unë nuk jam as kryetar dhe as anëtar i Këshillit Gjyqësor të Kosovës (KGjK). Gjyqësori është i pavarur nga qeveria. Ndoshta në Serbi presidenti pezullon dhe largon gjyqtarët dhe prokurorët. Ky nuk është rasti në Kosovë ose me gjyqtaren Stevanoviq. Ne jemi vendi më demokratik në Ballkanin Perëndimor, plotësisht në linjë me BE-në dhe NATO-n”, ka shkruar Kurti në llogarinë e vet në “Twitter”.

Drejtuesit e Listës Serbe kanë bërë me dije gjatë protestës se serbët do ta pezullojnë punën në institucionet e Kosovës.

I'm neither chairman nor member of 🇽🇰Judicial Council. Judiciary is independent from Govt. Maybe in Serbia the president suspends & removes judges & prosecutors. That's not the case in 🇽🇰 or w/ Judge Stevanovic. We're the most democratic country in WB6, fully aligned w/🇪🇺 & NATO.

— Albin Kurti (@albinkurti) March 25, 2022