Kurti takohet me ministrin për Evropë të Francës, diskutojnë për procesin e integrimit evropian të Kosovës
18 tetor 2024
| 13:28
Kryeministri i Kosovës, Albin Kurti është takuar me ministrin për Evropë të Francës, Benjamin Haddad, para nisjes së Forumit Ekonomik të Kosovës në Paris.
Kurti dhe Haddad kanë biseduar mbi thellimin e bashkëpunimit të të dyja vendeve, veçanërisht në fushën ekonomike, në kuadër edhe të forumit i cili do të mbahet sot.
“U trajtua edhe rrugëtimi i procesit të integrimit evropian të Kosovës. Në fokus ishin dhe çështjet rajonale me theks në bashkëpunimin rajonal”, ka njoftuar zyra e kryeministrit.
Është bërë me dije se pjesë e këtij takimi ishte edhe i dërguari special i Francës për Ballkanin Perëndimor, Rene Trocaz, teksa Kurti e ka falënderuar Haddadin për mbështetjen ndaj Kosovës.