Kurti takon kryetarin e Kuvendit të Japonisë
27 shtator 2022
| 10:28
Gjatë vizitës dyditore në Japoni me rastin e ceremonisë lamtumirëse dhe funeralit shtetëror për ish-kryeministrin, Shinzo Abe, kryeministri Albin Kurti ka zhvilluar takim me kryetarin e Kuvendit të Japonisë, Hiroyuki Hosoda.
Kurti ka bërë me dije se prezantuan të arriturat e Kosovës, dhe falënderuan për mbështetjen e vazhdueshme të Japonisë dhe shprehën interesimin për investime japoneze në Kosovë.
“Me Japoninë ndajmë pikëpamje të njëjta sa i përket rrethanave gjeopolitike në botë dhe vlerave demokratike e humane andaj duhet ta shtojmë bashkëpunimin. Paraprakisht, vizitova ambasadën e Republikës së Kosovës në Tokio ku na u bashkangjit për takim edhe ambasadori i Republikës së Shqipërisë, z. Gjergj Teneqexhiu”, ka shkruar Kurti në “Facebook”.